Orubat kah!

Orubat kah om orubat noh kapio iti boros tinaru tulun Kadazandusun tuh miagal dii doh "olobong"  iti boros tokou. sabab noh doh  amu mumbal kapio iti sukod kawawagu doh balajar  iti boros tokou. Om molohing kagu nga amu mangajar tanak diolo doh boros diti taki-aki tokou. Bah! Maai tokou gompio om guno iti boros tokou sondiri. Kada lihuai om tongkidai iti boros tokou. ORUBAT KAH!

Osonong noh daa...

Osonong noh daa.....tulun tokou ondos dah doh boros dau  om mongilo dah doh moboros boros tokou sondiri. Bah, kanu maan tokou gompio iti boros tokou. Kano noh bumuru id boros tokou. Kada tokou liangai iti boros tulun tokou.

Vosion

Kada tokou karaat kumaa doid tuluh suai sabab mogi-impinai tokou ngawai id di Tuhan.
Vosion tokou noh ginawo bogia....mongoi awasi tokou poimpasi hiti pomogunan.

Kada mintogod nopo..

Osonong ii bogia doh monogod  nung koontok noh timpu om kaantakan. Kada pondo doh mintogod nopo doh aiso pantakan. Amu bogia osonong doh mintogod nopo. Iri noh koh doh molo-lohing, " Kada doh mintogod nopo" kah. Bah, umbalai tokou gia doh amu doh mintogod nopo.

Kada padalai kio...

Ogumu oh kantakan ii poposikou oh ginawo tokou. Miagal doh tadau doh pisasawaan, tadau doh kinosusuon doh tanak om ogumu poh suai kantakan ii tongosonong iri koit doh konsikaan id koposion tokou. Koubasaan noh doh tulun tokou dot  nung haro nopo doh kounsikaan nga haro noh iti komoion doh "Aramai Tii" ka. Osonong ii bogia haro doh tim-ti-man doh tokuri-kuri nga  kada pondo ogumu kio. Kada doh mintius kapio doh  singarung. Sabab amu bogia osonong doh aauk. Komoion nopo diti nga kada tokou padalai doh moginum. Bah, iri-iri noh. Kounsikou.

Amu osonong...

Osonong noh boh dot koilo doh mogisuai-suai doh boros.

Miagal boros doh Ingilis, Sina, Malayu, Jipun, Tamil om

suai poh vagu.

Nga amu noh tomod osonong doh amu koilo boros sondiri.

Aiso dii  rati dot tulun oku Dusun/Kadazan kah-om

AMU ii koilo moboros boros sondiri.

Sabab dii kano noh balajar moboros

boros sondiri kio.....

Logot-logoton balajar....

Nokumbal oku muhot pipiro komulakan sukod kawawagu,"Nokuro tuh amu kou moboros boros tokou?"
"Tidak pandai dan tidak biasa bah Uncle." Iti noh kobusanan doh sisimbar diolo. Bah, soroho toko noh, ingkuro-kuro gia koilo doh moboros  boros tokou NUNG amu noh minsingubas. Balajar bogia. Mokituduk di koilo om kada koti-nga-yamai doh moboros doh boros tokou. Osonong moti doh koilo dah boros sondiri.
Koilo tokou nopo boros tokou sondiri nga kontok om kapadan noh doh pomu-ra-nga-nan doh tulun Dusun toi koi Kadazan.

Amu noh moti gia osonong doh tulun oku Dusun kah, om amu ii kolilo moboros doh boros sondiri. Kada tokou tokiyadai bogia iti boros tokou. Gompion tokou dah iti boros tokou. Kada mogondos nopo boros doh suai tulun. Osonong ii bogia koilo doh boros doh suai nga kada gia lihuai boros sondiri. Sabab dii logot-logoton tokou balajar doh boros tokou sondiri. Bah! Maan tokou noh gia kio!