Batos

Batos dii nokolombus igitai noh

Batos doh pisasawaan kada pututoh

Batos pisompuruon kada babakoh

Batos kumaan Kinorohingan gompio sogigisom!

Haro

Haro bawang haro sada
Haro pangi obuli mombosou
Bosou doh sada opoto kapio
Pimbangati om kada ruba-rubatai.

Sigup

Haro guno nogi sigup...pamatai limbata
Nga kada kama ponigup osikap moi apatai.

Milo

Milo nopo takadon nga takadon  gia. Kada doh onok oh

ginawo doh, kokito nogi dii  takadon dii takaas.Umbalai boh!

Aduh!

Aduh! Tanak tokou amu koilo moboros boros sondiri! Dinsai doh salah? Molohing sondiri sabab amu mongubas om amu monontuduk doh tanganak doh moboros doh boros sondiri.

Kotoh!

"Kotoh!" nopo nga miagal kopio doh "Padan muka kau" kah boros doh Malayu.
Miaga doh tanak di sunudan di molohing." Bah...kada pintangkus, katahub moti." Nga amu mokinongou om katahub nod dii.
" Kotoh! Amu dogia mokinangau."

Kada

Kada korosi
kada koonok
patatapon nopo ginawo
gisom kapatayon.

Norubat!

Norubat lombiding notuo amu nokotuh

Norubat pulatan nabasa hilo guas

Orubat noh kapio boros tokou

Amu ilioon om amu gunoo tulun tokou.

"Kondos noh boros sondiri!"

Olumis

Olumis dah oh rasuk

Olumis dah oh pingas

Nga nung araat nopo Ginawo

Aiso guna oh kolumisan. 

Karuk

Ogumu sada karuk hilo danau
tampai ie korohian doh ginawo
Osonong onsokon miampai bambangan
Koturu oh binis om opoto doh akanon
(Hehehehe....)

Sumandak

Sumandak dii osindak
Sumandak dii tosuou
Sumandak dii opori mongimburu
Amu osusah kaanu tontok tinan.

Sumandak dii ogorot milumis
katapi amu omis ngangis
tantu noh katamis oh ginawo
doh komulakan ngaawi.

Sumandak tosundun
Sumandak tosuou
koopusan om kounsikaan
ngaawi tulun.

Orubat kapio...

Mogondos noh oh tulun tokou koilo moboros boros 

 urangputi  nga amu  ondos dot boros sondiri.

Bah! Kada lingai boros sondiri bogia.

Tusin

Okon koh araat oh tusin. Kiguno oh tusin om osonong doh haro tusin nga kada podi padalaai doh mogihum kapio tusin gisom doh olingan oh Kinorohingan. Sorohon noh kama....amu moti owiton  matai oh tusin  Iri noh pogi, gunoon noh tusin montok kowosion.

Miulau-ulau

Haro tulun miulau-ulau sundung poh tuh amu ii mulau:
 1.Miagal doh kisawo nga magapid om amu ii kabalanja  doh iso noh sawo!
 2.Angpagon kopio handphone om osomok noh amu koboli doh wagas;
 3.Mimboli kapio make-up om osomok noh amu koboli doh susu doh tanak;
 4.Manu kaka kurita om mumang gumpi noh walai. Wonsoyon poh walai bogia!

Kada kama...

Kada kama....
kadalai moginum
orumbak moti koposion.

Kada kama
kadalai mangamal doh tanganak
amu moti opoduli insan tadau.

Kada kama....
gobulan moi sikul
aiso moti torimoon bulan-bulan
Sabap....
aiso karaja aiso noh gaji!

Kalantoi

Tulun doh sondikot-dikot hiti pogun tokou
mogihum doh kotos koposion
Olitan oh tulun tokou oh pinaru diolo
Soira nodi mah mimang buru om minkawas  oh tulun tokou?
Kada kam doh gobulan amu mah kabulu om kalatoi.

Insan tadau...

Nung amu koh kalantoi tadau baino...
Kada lisok om kada tingkukub
Nga.....ingkakat noh om umbalai wagu
Sabap opori koh nopo..
Insan tadau kopuriman koh ii
Kounsikaan!

Muli noh

Muli noh nung alaid koh  
noh amu nokouli.
Kada lingai molohoig
Uli noh
nyongi intangai om
rumoh-rumoh diolo.

Tusin

Tusin nopo nga milo pihium-ihum nga Olingan nopo Kinorohingan ii Minamangun

 dotokou nga aiso noh kounsikaan

id koposion dotokou.

Kada kama...

Kada kama obingsanganau doh kotos doh wokon,

 songonuon  moti rogon soira doh tapatai.

Osonong-sonong poh tamaha koh

 magahau om monolod

kotos doh wokon!

Buyuk

Buyuk !
Tulun nopo asaru mombuyuk nga amu ii
kotimung barakat mantad Minamangun.
Sabap dii kada tokou pombuyuk.
Wasian om sonongon tokou noh ginawo.

Tolundus

Amu milo antaban tongus tumalip
Amu milo antaban waig miluluyung-luyung
Miagal nogi di konihab ii nakatalip
Sabab diri, gompionoh  koposion dii tolundus